ސުވާލާއި ޖަވާބު:

1 - އިލެކްޝަން ކޮމިޝަނުން ހަމަޖައްސަވައިގެން އިލެކްޝަންސް ގެ ހަރަކާތްތަކުގައި އުޅެވިދާނެތޯ؟
ޖަވާބު: އިލެކްޝަން ކޮމިޝަނުން ހަމަޖައްސައިގެން އިލެކްޝަންސް ކަންތަކުގައި އުޅެވިދާނެ އެވެ.

2 - ސިޔާސީ ހަރަކާތުގައި ބައިވެރިވުން މަނަލީ ސިވިލް ސަރވިސް ގެ މުވައްޒަފުންނަށް އެކަނިތަ؟
ޖަވާބު: ނޫން. އަދުލު އިންސާފު ޤާއިމްކުރުމުގެ ބާރުގައި ހިމެނޭ ފަނޑިޔާރުން، ގާޒީންނާއި މެޖިސްޓްރޭޓުންނަށް ވެސް ސިޔާސީ ހަރަކާތުގައި ބައިވެރިވުން މަނާ، ސިޔާސީ ހަރަކާތުގައި ބައިވެރިވުން ޖުޑީޝަލް ސަރވިސް ގެ މުވައްޒަފުންނަށްވެސް މަނާ، ސިފައިންނާއި، ފުލުހުންނަށްވެސް ސިޔާސީ ހަރަކާތުގައި ބައިވެރިވުން މަނާ، ސިޔާސީ ހަރަކާތުގައި ބައިވެރިވުން އިލެކްޝަން ކޮމިޝަނާއި، ހިއުމަން ރައިޓްސް ކޮމިޝަންގެ މުވައްޒަފުންނަށްވެސް މަނާ.

3 - ޕާރޓީއެއްގެ ފަރާތުން ނުވަތަ ކެނޑިޑޭޓެއްގެ ފަރާތުން އިންތިޚާބުގެ ކަންތައް މޮނިޓަރ ކުރާ މީހަކަށް ސިވިލް ސަރވިސް ގެ މުވައްޒަފަކަށް ހުރެވިދާނެތަ؟
ޖަވާބު: ނުހުރެވޭނެ. ސިވިލް ސަރވިސް ގެ މުވައްޒަފުންނަށް ބައިވެރިވެ އުޅެވޭނީ އިލެކްޝަން ކޮމިޝަންގެ ފަރާތުން އެ ކޮމިޝަންއިން ވިދާޅުވާ ނުވަތަ ހަވާލުކުރެވޭ މަސައްކަތައް ކުރުމަށް.

4 - ސިވިލް ސަރވިސް އިން މިހާރުވެސް ޕްރޮމޯޝަން ދޭތަ؟
ޖަވާބު: ޕްރޮމޯޝަންސް ދަނީ ދެމުން، އެއީ އެވަޒީފާއެއްގެ އޮނިގަނޑުގައި ޕްރޮމޯޝަންސް ދިނުމަށް ހަމަޖެހިފައިވާ އުސޫލަކުން ނުވަތަ 4 އަހަރުން 4 އަހަރުން.

5 - ސިވިލް ސަރވިސް ގެ މުވައްޒަފަކަށް ވުމުން އޮތީ ކޮން ފައިދާއެއް؟
ޖަވާބު: ރައްކާތެރިކަން، ވަޒީފާގެ ޔަގީންކަން، ޤާނޫނުއާއި ޤަވާއިދާ، ޤާނޫނު ހިތައްއެރިހާ ގޮތަކަށް އެމީހަކަށް ދޭތެރޭގައި ކަންތައްނުކުރެވޭނެ ކަމުގެ ޔަޤީންކަން.

6 - ސިވިލް ސަރވިސްގެ މުވައްޒަފުންނަށް މަތީ ތައުލީމުގެ ފުރުސަތު އޮންނާނެތަ؟
ޖަވާބު: ސިވިލް ސަރވިސްގެ މުވައްޒަފުންނަށް ރާއްޖޭގައި ވަޒީފާގައި ތިބެގެން ފުލްޓައިމް ކޯސްތައް ނުރަސްމީ ގަޑީގައި ހެދޭނެ. އަދި ކޯސްތަކަށް ހޮވުމުގައި ސްޓާފް ޑިވެލޮޕްމަންޓްގައި އިސްކަންދެވޭނެއެވެ. ކޯސްތައް ހަދާފައި ވަޒީފާގެ ބާޒާރަށް ނިކުންނަ ފަރާތްތަކަށް ސިވިލް ސަރވިސް އިން ވަޒީފާ ދިނުމަށް އިސްކަންދޭނެ.

7 - ސިޔާސީ ގޮތުން ހަރަކާތްތެރި ވެގެން ސިޔާސީ ބޭފުޅަކަށް ސިވިލް ސަރވިސްގެ މުވައްޒަފަކަށް މަޤާމުގެ ގޮތުން އެއްވެސް ކަމެއް ކޮށްދެވިދާނެތަ؟
ޖަވާބު: ސިވިލް ސަރވިސް ގެ މުވައްޒަފަކަށް ސިޔާސީ އެއްވެސް ބޭފުޅަކަށް އެއްވެސް މޮޅުކަމެއް ކޮށްވެސް ނުދެވޭނެ. އަދި ދެރަގޮތެއްވެސް ނެހެދޭނެ.