ސިވިލް ސަރވިސްގެ މުވައްޒަފުން ވަޒީފާއަށް އަހުލުވެރިކުރުވުމާއި، މަސައްކަތަށް ތާޒާކުރުމާއި އަދި މަސައްކަތުގެ ހުނަރާއި ޤާބިލުކަން އިތުރުކުރުމަށް ފުޅާ ދާއިރާއެއްގައި ތަމްރީނުތައް ދެމުންގެންދާ ސިވިލް ސަރވިސް ޓްރެއިނިންގ އިންސްޓިޓިއުޓް (ސީ.އެސް.ޓީ.އައި) ގައި ކިޔަވާދެއްވަވާ ލެކްޗަރުންނާއި ކޮމިޝަނުގެ ރައީސް ޑރ. ޢަލީ ޝަމީމް ބައްދަލުކުރައްވަވައި މަޝްވަރާކުރައްވައިފިއެވެ.

މި ބައްދަލުވުމުގެ ބޭނުމަކީ ސީ.އެސް.ޓީ.އައިގެ ޚިދުމަތްތައް ކުރިއަރުވައި ކިޔަވައި ދިނުމުގެ ފެންވަރު މަތިކުރުމަށް ޚިޔާލުބަދަލުކޮށް އަދި ލެކްޗަރާއިންނަށް ދިމާވާ ކަންކަމާގުޅޭގޮތުން މަޢުލޫމާތު ބަދަލުކުރުމެވެ. ކޮމިޝަނުގެ ސެކްރެޓަރީ ޖެނެރަލް ޑރ. އިބްރާހީމް ޒުހުރީ އާއި ސީ.އެސް.ޓީ.އައިގެ ޑިރެކްޓަރ ފާޠިމަތު ޙަބީބާވެސް ބައިވެރިވެ ވަޑައިގެންނެވި މި މަޝްވަރާ ބައްދަލުވުމުގައި މުއްސަނދި ޚިޔާލުތަކެއް ހުށަހެޅި ލެކްޗަރާއިންނާއި ދަރިވަރުންނަށް އިތުރު ވަސީލަތްތައް ހޯދާ ދިނުމާއި ހިތްވަރުދެވިދާނެ ގޮތުގެ މައްޗަށް މަޝްވަރާކުރެވިފައިވެއެވެ. އަދި މިފަދަ ބައްދަލުވުމެއް މަހަކު އެއްފަހަރު ބޭއްވުމަށް ނިންމުނެވެ.