ޕްރައިވެޓް ހަޔަރ އެޑިއުކޭޝަން އެސޯސިއޭޝަން އޮފް މޯލްޑިވްސް ( ފީމް)  އިން އިންތިޒާމުކޮށްގެން އިސް ފަންތިއާ އަދި މެދު ފެންތީގެ ހިންގުންތެރިންނަށް ބޭއްވި  ވާކްޞޮޕުގެ ބައިވެރިންނަށް ކޮމިޝަނުގެ ރައީސް ޑރ. ޢަލީ ޝަމީމު ސެޓްފިކެޓް ދެއްވައިފިއެވެ.

"އިފެކްޓިވް ނެގޯސިއޭޝަން ސްކިލް ވާރކްޝޮޕް" ނުވަތަ އެއްބަސްވުމަށް ވުމަކަށް އައުމަށް ދެފަރާތުގެ ދެމެދުގައި ވާހަކަދެއްކުމުގެ ހުނަރު ދަސްކޮށްދިނުމުގެ ވާކްޝޮޕްގެ ބައިވެރިންނަށް ސެޓްފިކެޓް ދިނުމުގެ ރަސްމިއްޔާތު ބާއްވާފައި ވަނީ އިއްޔެގެ ވަގުތެއްގައެވެ. މި ރަސްމިއްޔާތު ޝަރަފުވެރިކޮށްދެއްވާ ކޮމިޝަނުގެ ރައީސް ދެއްކެވި ވާހަކަފުޅުގައި ރާއްޖޭގެ މިހާރުގެ ހާލަތަށް ބަލާއިރު މިފަދަ ވާކްޝޮޕެއްގެ މުހިންމުކަން ފާޙަގަކުރައްވާ ވިދާޅުވީ މީހުންގެ މެދުގައި ދެބަސްވުންތަކާ ދެކޮޅުވެރިކަން އުފެދިފައިވާ ދުވަސްވަރެއްގައި ދިވެހިންގެ ތެރޭގައި ހުރި މިފަދަ މައްސަލަތައް ދެފަރާތަށް ފައިދާވާގޮތުގައި ހައްލުކުރުމުގައި މި ވާކްޞޮޕްގެ ސަބަބުން ފަސޭހަވެގެންދާނެކަމަށެވެ. މިގޮތުން އަފޫކުރުމާއި މަޢާފުކުރުމާއި، ޢަދުލުވެރިކަން އިސްކުރުމަށް ވިސްނުމާއި ބަސްމަގު ގެންގުޅެންވާނެ ގޮތާއި އަދި ހިކުމަތްތެރިވެވިދާނެ ގޮތުގެ ބައެއް މިސާލުތައް ދައްކަވައި މަޝްވަރާކުރުމުގެ މުހިންކަމުގެ މައްޗަށް ބާރުއަޅުއްވާ ކޮމިޝަނުގެ ރައީސް ވަހަކަދެއްކެވިއެވެ. އަދި މިފަދަ ވާކްޝޮޕެއް ފީމުގެ ފަރާތުން ހިންގެވީތީ އެކަމަޓަކަށް ފީމްއަށް ޝުކުރު އަދާކުރެއްވިއެވެ.

އެއްދުވަހުގެ މުއްދަތަށް ކުރިޔަށްދިޔަ މި ވާކްޝޮޕްގައި މަޢުލޫމާތުދެއްވީ މެލޭޝިޔާގެ ތަޖްރިބާކާރު މާހިރެއްކަމުގައިވާ ސްކިލް ފޯކަސް ކޮންސަލްޓެންސީ މެލޭޝިޔާގެ ބާނީ މިސިޒް ސަންޓާނާ ނަގަންދުރަމްއެވެ.