ސިވިލް ސަރވިސް ޓްރެއިނިންގ އިންސްޓިއުޓުން ( ސީއެސްއައިޓީން) އޮގަސްޓްމަހު ކުރިޔަށްގެންދިއުމަށް ރޭވިފައިވާ ކުރުމުއްދަތުގެ ތަމްރީނު ޕްރޮގްރާމުތައް އިއުލާނުކޮށްފިއެވެ. އޮގަސްޓްމަހު ކުރިޔަށްގެންދިއުމަށް ހަމަޖެހިފައިވާ މި ތަމްރީނު ޕްރޮގްރާމުތަކުގެ ތެރޭގައި 5 އޮގަސްޓްއިން 6 އޮގަސްޓްއަށް ކުރިޔަށް ގެންދިއުމަށް ހަމަޖެހިފައިވާ އިންޑަކްޝަން ޕްރޭރާމްގެ ފޭސް2، 7 އޮގަސްޓުން 9 އޮގަސްޓަށް ކުރިޔަށް ގެންދިއުމަށް ހަމަޖެހިފައިވާ ތަމްރީނު ޕްރޮގްރާމް "ޕްރޮބްލަމް ސޯލްވިންގ އެންޑް ޑިސިޝަން މޭކިންގ"، ބިޑު އިވެލުއޭޝަން އެންޑް ޕްރޮކިއުމަންޓާއި ގުޅޭގޮތުން އޮގަސްޓް 12 އިން 16 ކުރިޔަށް ގެންދިއުމަށް ހަމަޖެހިފައިވާ ތަމްރީނު ޕްރޮގްރާމް، އިވެންޓް މެނޭޖްމަންޓް، އިފެކްޓިވް ކޮމިއުނިކޭޝަންގެ ސްކިލްސްއާ ގުޅޭ ގޮތުން އޮގަސްޓް 27 އިނ ް30 އަށް ބާއްވާ ތަމްރީނު ޕްރޮގްރާމުގެ އިތުރުން މޮޑާން ހިއުމަން ރިސޯސަސް އެންޑް ޑިވެލޮޕްމެންޓް ދާއިރާއިން އޮގަސްޓް 26 އިން 30 ބޭއްވުމަށް ހަމަޖެހިފައިވާ ތަމްރީނު ޕްރޮގްރާމް ހިމެނެއެވެ. ސީއެސްއައިޓީން ކުރިޔަށްގެންދާ މި ތަމްރީނު ޕްރޮގްރާމުގެ މައުލޫމާތު ސީއެސްޓީއައިގެ ޓްރެއިނިންގް ޑައިރެކްޓްރީއާ އަދި ވެބްސަައިޓްގައި ވަނީ ހިމަނާފައެވެ. ސީއެސްޓީއައި އިން ކުރިޔަށްގެންދާ މި ތަމްރީނު ޕްރޮގްރާމުތަކަކީ ސިވިލް ސަރވިސްގެ ހުރިހާ މުވައްޒަފުންނަށް ބައިވެރިވެވޭ ގޮތަށް ހުޅުވާލެވިފައިވާ ތަމްރީނު ޕްރޮގްރާމްތަކެކެވެ.