ދ. ކުޑަހުވަދޫ ކައުންސިލުގެ ފަރާތުން ކޮމިޝަނާއި ބައްދަލުކުރައްވާ މަޝްވަރާ ކުރައްވައިފިއެވެ. ކުޑަހުވަދޫ ކައުންސިލުގެ ނައިބުރައީސް އަލީ ސައުދާއި އަދި ކައުންސިލު މެންބަރަކާއި ކައުންސިލުގެ އިދާރީ ބައެއް މުވައްޒަފުން ބައިވެރިވެ ވަޑައިގެންނެވި މި ބައްދަލުވުމުގައި ކުޑަހުވަދޫ ކައުންސިލުން ކޮމިޝަނާ މަޝްވަރާކުރައްވާފައި ވަނީ އެ ކައުންސިލުގެ އިދާރީ ހިންގުން ހަރުދަނާކުރުމަށް ކުރަންހުރި ބައެއްކަމާއި ކައުންސިލުގެ ކުރިއެރުމަށް ކުރަންހުރި ބައެއް މަސައްކަތްތަކާ ބެހޭގޮތުންނެވެ. މި މަޝްވަރާ ބައްދަލުވުމުގައި ކޮމިޝަނުގެ ފަރާތުން ބައިވެރިވެ ވަޑައިގެންނެވީ ކޮމިޝަނުގެ ރައީސް ޑރ. ޢަލީ ޝަމީމާއި ކޮމިޝަނުގެ ސެކްރެޓަރީ ޖެނެރަލް ޑރ. ޢިބްރާހިމް ޒުހުރީއެވެ.