ސިވިލް ސަރވިސް ޓްރެއިނިންގ އިންސްޓިޓިއުޓުގައި ތަމްރީނުތަކެއް ހިންގަވައިދެއްވުމަށް މިހާރު ރާއްޖެ ވަޑައިގެން އުޅުއްވާ ޗައިނާގެ ޕްރޮފެސަރުންގެ ޝަރަފުގައި ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމު ރޭގަނޑުގެ ފަރިއްކޮޅެއް ދެއްވައިފިއެވެ.  މި ފަރިއްކޮޅު ބޭއްވުނީ ސެންޓާރާ ރަސްފުށި ރިސޯޓް އެންޑް ސްޕާ ނުވަތަ ގިރާވަރު ރިސޯޓްގައެވެ.

މި ފަރިއްކޮޅުގައި ކޮމިޝަނުގެ މެންބަރުންނާއި ވެރިން އަދި ސީއެސްޓީއައިގެ ބޭފުޅުން ޗައިނާގެ ޕްރޮފެސަރުންނާއެކު ބައިވެރިވެ ވަޑައިގެންނެވިއެވެ. ޗައިނާގެ ވަފުދަށް ގިރާވަރު ރިސޯޓަށް ޒިޔާރަތްކޮށްލުމަށް ފުރުޞަތު ލިބުމުން،  ރާއްޖޭގެ ރަށްތަކުގެ  ރީތިކަމާ މާހައުލުގެ ހިތްގައިމުކަން ފާހަގަކޮށް އެކަމަށް ވަރަށް ތައުރީފުކުރެއްވިއެވެ.