ސިވިލް ސަރވިސް ކޮމިޝަނުގެ އިދާރާ މަޖީދީ މަގުގައި ހުންނަ، ކުރީގެ ޕީޖީ އޮފީސް ހިންގި އިމާރާތަށް ބަދަލުކުރުމުގެ މަސައްކަތް ނިމިއްޖެއެވެ. ކޮމިޝަނުގެ މަސައްކަތްތައް ދެން ހިންގަމުންދާނީ މި އިމާރާތުގެ 2 އަދި 3 ވަނަ ފަންގިފިލާގައެވެ. ކުރިން ކޮމިޝަން ހިނގަމުން އައި ވެލާނާގެއިން މި އިމާތރާތަށް ބަދަލުވުމުގެ މަރުހަލާގެ ތެރެއިން ކޮމިޝަނުގެ ޚިދުމަތްތަކަށް ކޮންމެވެސް ވަރަކަށް ބުރޫ އަރާފައިވީނަމަވެސް މިއަދުން ފެށިގެން ޚިދުމަތްތައް މި އިމާރާތުގައި ދެމުން ގެންދާނެއެވެ. އަދި ކޮމިޝަން އެހެން އިމާރާތަކަށް ބަދަލުވުމުގެ މަރުހަލާގައި ސިވިލް ސަރވިސްގެ އިދާރާތަކުން ކެތްތެރިކަމާއެކު ދެއްވި އެއްބާރުލެއްވުން ކޮމިޝަނުގެ ފަރާތުން ޝުކުރުވެރިކަމާއެކު ފާހަގަކުރައްވައެވެ.