ނަރުހުންގެ ވަޒީފާތަކުގެ އޮނިގަނޑާ ގުޅޭގޮތުން މިނިސްޓްރީ އޮފް ހެލްތާއި ސިވިލް ސަރވިސް ކޮމިޝަނާއި އެކު މިއަދު މަޝްވަރާކޮށްފިއެވެ. މިނިސްޓްރީ އޮފް ހެލްތްގައި ބޭއްވުނު މިމަޝްވަރާ ބައްދަލުވުގައި މިނިސްޓްރީ އޮފް ހެލްތްގެ ފަރާތުން އިސްކޮށް ބައިވެރިވެ ވަޑައިގެންނެވީ މިނިސްޓަރ އޮފް ހެލްތް އޮނަރަބަލް އަލްފާޟިލް ނާޒިމް އިބްރާހީމެވެ. ކޮމިޝަނުންގެ  ފަރާތުން ބައިވެރިވެވަޑައިގެންނެވީ ކޮމިޝަނުގެ ރައީސް ޑރ. ޢަލީ ޝަމީމެވެ.

ނަރުހުންގެ ވަޒީފާތަކުގައި މަސައްކަތްކުރާ މުވައްޒަފުންނަށް ކެރިއަރ ބޭސްޑްކޮށް ނުވަތަ ވަޒީފާގައި ކުރިއަށް ދެވޭނެ ގޮތަށާއި ނަރުހުންގެ ޙިދުމަތްގެ ޤާބިލްކަން ކުރިއެރުވޭ ގޮތަށް އަދި ވަޒީފާގެ ބާޒާރުގައި ވާދަވެރިކަން އިތުރުވުމުންދާ ދުވަސްވަރެއްގައި ނަރުހުންގެ ވަޒީފާތައް ހެޔޮގޮތުގައި ދެމެހެއްޓޭނެ ގޮތްތަކުގެ މައްޗަށް އަމާޒުހިފައިގެން ޒަމާނީ އޮނިގަނޑެއް ތައްޔާރުކުރުމަށް ކުރި އަންގެންދެވޭ މަޝްވަރާތައް ވިހާއަވަހަށް ނިންމައި ރަނގަޅު ނަތީޖާއެއް ނެރެވޭތޯ ކަމާބެހޭ ފަރާތްތަކުންދަނީ މަސައްކަތްކުރަމުންނެވެ.