ދުނިޔޭގެ މަޝްހޫރު މެނޭޖްމަންޓް ޢިލްމުގެ މާހިރެއް ކަމުގައިވާ އަދި ހާއްސަކޮށް ކަސްޓަމަރ ސަރވިސަސް އާއި މާރކެޓިންގެ ތަޖުރިބާކާރު ފަރާތެއް ކަމުގައިވާ ރޮން ކައުފްމަންގެ ތަމްރީނު ޕްރޮގްރާމަށް ސިވިލް ސަރވިސްއަށް ދަޢުވަތު ދެއްވައިފިއެވެ. މި ދަޢުވަތު ދެވުނީ މިއަދު ސިވިލް ސަރވިސް ކޮމިޝަނުގެ މެންބަރުންނާއިއެކު މޯލްޑިވްސް އެސޯސިއޭޝަން އޮފް ހިއުމަން ރިސޯސް ޕްރޮފެޝަނަލްސް (އެމް.އޭ.އެޗް.އާރު.ޕީ) ގެ ފަރާތުން ކޮމިޝަނުގައި ބޭއްވުން މަޝްވަރާ ބައްދަލުވުމެއްގައެވެ.
މި ބައްދަލުވުމުގައި ކޮމިޝަނުގެ އިސްފަރާތެއްގެ ގޮތުން އިންނެވީ ކޮމިޝަނުގެ ރައީސް ޑރ. ޢަލީ ޝަމީމެވެ. އެމް.އޭ.އެޗް.އާރު.ޕީގެ ފަރާތުން އިންނެވީ އެޖަމްއިއްޔާގެ ރައީސް ޙުސައިން އަފީފް އާއި އެގްޒެކެޓިވް ސެކްރަޓަރީ ޢަލީ އާދަމެވެ.
ރޮން ކައުފްމަންގެ ތަމްރީނު ޕްރޮގްރާމް ބާއްވަނީ ރާއްޖޭގެ ޤައުމީ ޔުނިވަރސިޓީގެ އޮޑިޓޯރިއަމްގައި، އަންނަ އޮގަސްޓު މަހުގެ 4 ވާ ހޮނިހިރު ދުވަހު ހެދުނު 9 އިން ހަވީރު 5 އަށެވެ. މިއީ މިއަހަރު ކުރީކޮޅު އުފެދުނ އެމް.އޭ.އެޗް.އާރު.ޕީއިން އިންތިޒާމްކޮށް ބާއްވާ މިފަދަ ފުރަތަމަ ހަރަކާތެވެ. މީގެ އިތުރުންވެސް އެޖަމިއްޔާއިން ރާއްޖޭގެ އިންސާނީ ވަސީލަތް ތަރައްޤީ ކުރުމަށް ރާވަމުންދާ މަސައްކަތްތަކުގެ މަޢުލޫމާތު ކޮމިޝަނާ ހިއްސާކުރެއްވެވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022