ސިވިލް ސަރވިސް އަށް 10 އަހަރުފުރޭ މުނާޞަބާ ފާހަގަކުރުމާއި ދިވެހި ޖުމްހޫރިއްޔާއަށް 50 އަހަރު ފުރޭ މުނާޞަބާ ފާހަގަކުރުމަށް ބާއްވާ ކުޑަކުދިންގެ ހަވީރު މިއަދު ރަސްފަންނުގައި ބާއްވައިފިއެވެ. ސިވިލް ސަރވިސްކޮމިޝަނާއި މިނިސްޓްރީ އޮފް ހޯމް އެފެއާޒް ގުޅިގެން ބާއްވި މި ހަވީރުގައި ސަރުކާރުގެ އެކިއެކި އޮފީސްތަކުން ޖުމްލަ 20 ސްޓޯލްތައް ބަހައްޓާފައިވެއެވެ. މި ސްޓޯލްތަކުން ކުޑަކުދިންނަށް ޚާއްޞަ ކުޅިވަރުތަކާ އަދި ކުދިންނަށް ޚާއްޞަ ތަފާތު މައުލޫމާތު  ދީފައިވެއެވެ. މިިއަދު ކުރިޔަށްދިޔަ ހަވީރުގެ ސްޓޯލްތައް ބަައްލަވާލެއްވުމަށް މިނިސްޓަރ އޮފް ހޯމް އެފެއާޒް އެކި ސްޓޯލްތަކަށް ޒިޔާރަތްކުރައްވައި ސްޓޯލްތަކުގައި ކުރިޔަށްގެންދިޔަ އެކްޓިވިޓީތައް ބައްލަވާލެއްވިއެވެ.