ތައިލެންޑުގެ ސިވިލް ސަރވިސް ކޮމިޝަނުގެ އިސްވެރިންނާ ކޮމިޝަނުގެ ރައީސް ޑރ. ޢަލީ ޝަމީމު ބައްދަލުކުރައްވައިފިއެވެ. ތައިލެންޑްުގެ ސިވިލް ސަރވިސް ކޮމިޝަނާއެކު ބޭއްވެވި މި ބައްދަލުވުމުގައި އެ ކޮމިޝަނުގެ ކޮމިޝަނަރާއި ސެކްރެޓަރީ ޖެނެރަލްގެ އިތުރުން އެކޮމިޝަނުގެ އިންޓަރނޭޝަނަލް އެފެއާޒް ޑިރެކްޓަރ ބައިވެރިވެ ވަޑައިގެންނެވިއެވެ. މި ބައްދަލުވުމުގައި ތައިލެންޑުގެ ސިވިލް ސަރވިސް ކޮމިޝަނާއި ދިވެހި ސިވިލް ސަރވިސްއާ އިތުރަށް ގުޅުންބަދަހި ކުރެވިދާނެ ދާއިރާތަކާގުޅޭ ގޮތުންނާއި ދެފަރާތުން  އެއްބާރުލުން އިތުރުކުރެވިދާނެ ދާއިރާތަކާ ގުޅޭގޮތުން މަޝްވަރާކުރެއްވިއެވެ.