މިނިސްޓްރީ އޮފް އެޑިއުކޭޝަންގެ ޕަރމަނަންޓް ސެކްރެޓަރީ މުޙައްމަދު ސަޢީދަށް މަޤާމުގެ ލިއުން ހަވާލުކުރައްވައިފި.

06 ފެބްރުއަރީ 2018



މިނިސްޓްރީ އޮފް އެޑިއުކޭޝަންގެ ޕަރމަންނަންޓް ސެކްރެޓަރީގެ މަޤާމަށް ހަމަޖެއްސެވި ގ. ދިލްކަޝް، އަލްފާޟިލް މުޙައްމަދު ސަޢީދަށް މަޤާމުގެ ލިޔުން ހަވާލުކޮށްދެއްވައިފިއެވެ. މިއަދު  ސިވިލް ސަރވިސް ކޮމިޝަނުގައި ބޭއްވުނު ސިވިލް ސަރވިސް އެޑްވައިޒަރީ ކޮމެޓީގެ ބައްދަލުވުމުގައި އަލްފާޟިލް މުޙައްމަދު ސަޢީދަށް މި ލިއުން ހަވާލުކޮށްދެއްވީ ކޮމިޝަނުގެ ރައީސް ޑރ. ޢަލީ ޝަމީމެވެ.

އަލްފާޟިލް މުޙައްމަދު ސައީދަކީ ކުރިން އެ މިނިސްޓްރީގެ ޑިރެކްޓަރ ޖެނެރަލްގެ މަޤާމު ފުރުއްވަމުން ގެންދެވި ބޭފުޅެކެވެ. މުޙައްމަދު ސަޢީދު ދައުލަތަށް ޚިދުމަތް ކުރައްވަން ފައްޓަވާފައި ވަނީ  1989 ވަނަ އަހަރުން ފެށިގެންނެވެ. މީޑިޔާ އޮފިސަރެއްގެ މަޤާމުން ފެށިގެން ތައުލީމީ ދާއިރާގެ އެކިއެކި މަޤާމުތައް ފުރުއްވާފައިވެއެވެ. އޭގެތެރޭގައި އެސިސްޓެންޓް ޑިރެކްޓަރުގެ މަޤާމާއި، ޑިރެކްޓަރުގެ މަޤާމާއި ޑިރެކްޓަރ ޖެނެރަލްގެ މަޤާމު ފުރުއްވާފައި ވެއެވެ.

މުޙައްމަދު ސަޢީދު ވަނީ އިނގިރޭސި ވިލާތުގެ ޔުނިވަރސިޓީ އޮފް ބޯލްޓަންއިން ބިޒްނަސް އެޑްމިނިސްޓްރޭޝަންގެ ދާއިރާއިން މާސްޓަރސް ޑިގްރީ ހާސިލްކުރައްވާފައެވެ.


ފަހުގެ ޚަބަރުތައް

ހޮޓްލައިން / އެސްއެމްއެސް

7799280


ފޯނު

3307307

ސީއެސްސީ ބޮޓް