ރާއްޖޭގައި އަލަށް އުފެއްދުމަށް މަސައްކަތްކުރާ ޖަމިއްޔާއެއް ކަމުގައިވާ މޯލްޑިވްސް އެސޯސިއޭޝަން ފޯރ އެޗްއާރު ޕްރޮފެޝަނަލްގެ ފަރާތުން ކޮމިޝަނުގެ ރައީސްއާ ބައްދަލުކޮށްފިއެވެ. މިއަދު ސިވިލް ސަރވިސް ކޮމިޝަނުގައި ބޭއްވި މި ބައްދަލުވުމުގައި މޯލްޑިވްސް އެސޯސިއޭޝަން ފޯރ އެޗްއާރު ޕްރޮފެޝަނަލްސްގެ  ފައުންޑިން ދެ މެންބަރުކަމަށްވާ އަޙުމަދު އިބްރާހިމް އާއި  އަލީ އަދާމް އަދި އެސޯޝިއޭޝަނުގެ އެޑްވައިޒަރެއް ކަމުގައިވާ އަހުމަދު އިރާޝް ބައިވެރިވެވަޑައިގެންނެވިއެވެ. މި ބައްދަލުވުމުގައި ކޮމިޝަނުގެ ފަރާތުން ބައިވެރިވެ ވަޑައިގެންނެވީ ކޮމިޝަނުގެ ރައީސް ޑރ. ޢަލީ ޝަމީމާއި ކޮމިޝަނުގެ އެޗްއާރު ޑިޕާޓްމަންޓް ހިންގެވުމާ ހަވާލުވެ ހުންނެވި ފާޠިމަތު މުޙައްމަދެވެ. މި ބައްދަލުވުމަކީ މި އޮސޯސިއޭޝަންގެ މަސައްކަތްތައް ފެށުމުން ސިވިލް ސަރވިސްއިން ބޭނުންވާ އެއްބާރުލުން ހޯދުމާގުޅޭގޮތުން މަޝްވަރާކުރުމަށް ބޭއްވުނު ބައްދަލުވުމެކެވެ.