ސިވިލް ސަރވިސް ކޮންފަރެންސަށް ހުށަހަޅާ ދިރާސާގެ މަސައްކަތުގައި ހަރަކާތްތެރިވާނެ އިންވިޖިލޭޓަރުން ތަމްރީނުކުރުމުގެ މަސައްކަތު ބައްދަލުވުމެއް ބާއްވައިފިއެވެ. މިއަދު ސިވިލް ސަރވިސް ކޮމިޝަނުގައި ބޭއްވި މި މަސައްކަތުބައްދަލުވުމުގައި އިންވިޖިލޭޓަރުންގެ ގޮތުގައި ހަރަކާތްތެރިވާ ކުދިންނަށް މަޢުލޫމާތުދެއްވީ ކޮމިޝަނުގެ ރައީސް ޑރ. ޢަލީ ޝަމީމެވެ. ސިވިލް ސަރވިސް ކޮންފަރެންސް 2018 އަށް ތައްޔާރުކުރާ މި ދިރާސާގެ މައުޟޫއު އަކީ،" ސިވިލް ސަރވިސް އާމެދު ޚިދުމަތް ހޯދާ ފަރާތްތަކުން ދެކޭގޮތް އަދި ކުރިއެރުމަށް އެދޭގޮތް ދެނެގަތުން" މިއެވެ. މި ދިރާަސާ ނުވަތަ ސާވޭގައި، 10 އަހަރު ދިވެހި ސިވިލް ސަރވިސް ހިނގަމުން އައިސްފައިވާއިރު، މި ޚިދުމަތުގެ ކަސްޓަމަރުން ނުަވަތަ ޚިދުމަތް ހޯދާ ފަރާތްތަކުން މިޚިދުމަތާމެދު ދެކޭގޮތާއި މި ޚިދުމަތް ކުރިއެރުވުމަށް އެދޭ ގޮތަކީ ކޮބައިކަން ދެނެގަނެވޭނެއެވެ. މި ދިރާސާގެ މަޤްޞަދަކީ ޚިދުމަތް ހޯދާ ފަރާތްތަކުގެ ކިބައިގައި ދިވެހި ސިވިލް ސަރވިސްއާ މެދު ތަސައްވުރު އޮތްގޮތް ދެނެގަނެ ޚިދުމަތް އިތުރަށް ތަރައްގީކުރަން ޖެހިފައިވާ ކަންކަން އޮޅުންފިލުަވައި، އިސްލާހީ ބަދަލުގެންނަންޖެހޭ ކަންކަމަކީ ކޮބައިކަން ދެނެގަތުމެވެ..