ސިވިލް ސަރވިސް ކޮމިޝަނުގެ 2018 ވަނަ އަހަރުގެ އަހަރީ ރިޕޯރޓް މިއަދު ކޮމިޝަނުން އާންމުކޮށްފިއެވެ. މިގޮތުން މި ރިޕޯރޓްގެ ސޮފްޓް ކޮޕީ ބޭނުންފުޅުވާ ކޮންމެފަރާތަކަށް ބައްލަވާލެއްވޭގޮތަށް އަދި ޑައުންލޯޑް ކުރެވޭގޮތަށް މި ރިޕޯރޓްވަނީ ކޮމިޝަނުގެ ވެބްސައިޓްގައި ހިމެނިފައެވެ.

97 ސޮފްޙާގެ ކޮމިޝަނުގެ ރިޕޯރޓްގައި ސިވިލް ސަރވިސް ކޮމިޝަނުން ދިވެހި ސިވިލް ސަރވިސްގެ ކަންތައްތައް ރާވައި، ހިންގައި ބަލަހައްޓާފައިވާ ގޮތުގެ މަޢުލޫމާތާއި ތަފާސްހިސާބުތައް ހިމެނިފައިވެއެވެ. މީގެ އިތުރުން ސިވިލް ސަރވިސް ކޮމިޝަނުގެ މަސައްކަތްތައް ހިނގާދިޔަގޮތުގެ މަޢުލޫމާތާއި ތަފާސް ހިސާބުތައް ހިމެނިފައިވެއެވެ.

ނިމިދިޔަ 2018 ވަނަ އަހަރަކީ ދިވެހި ސިވިލް ސަރވިސް މިނިވަން މުސްތަ÷÷ޣިއްލު ޚިދްމަތެއްގެ ގޮތުގައި ގާއިމުވެ ހިނގަމުންދާތާ 10 އަހަރުފުރުނު އަހަރުކަމުން ރިޕޯރޓްގައި ފާއިތުވެދިޔަ 10 އަހަރު ތެރޭގައި ހޯދިފައިވާ ކާމިޔާބުތަކުގެ މައްޗަށް ކުރުކޮށްއަލި އަޅުވާލެވިފައިވެއެވެ. މީގެއިތުރުން ޚާއްސަކޮށް 2018 ވަނަ އަހަރު ދިވެހި ސިވިލް ސަރވިސްގެ ޚިދްމަތްތައް ކުރިއަރުވައި ތަރައްޤީ ކުރުމަށްކުރެވިފައިވާ ކާމިޔާބު މަސައްކަތްތަކާއި، ދިމާވި ގޮންޖެހުންތަކާއި އަދި 2019 ވަނަ އަހަރަށް ރާވާކަންކަމުގެ މަޢުލޫމާތުވެސް މިރިޕޯރޓްގައި ބަޔާންކުރެވިފައިވެއެވެ.