ސިވިލް ސަރވިސް ކޮމިޝަނުގެ ފަރާތުން 2 މުވައްޒަފަކު މި މާރޗް މަހުގެ 3 އިން 5 އަށް ފުވައްމުލަކު ސިޓީއަށް ވަޑައިގަންނަވައި ފުވައްމުލަކު މޭޔަރ އަލްފާޟިލް އަބްދުﷲ ފަލާހް ޝަރީފާއި އަދި ފުވައްމުލަކު ސިޓީ ކައުންސިލްގެ އިދާރާގެ މެންބަރުންނާ ބައްދަލުކުރައްވަވައިފި އެވެ. މި ބައްދަލުވުމުގެ މައިގަނޑު މަޤްސަދަކީ ފުވައްމުލަކު ސިޓީ ކައުންސިލްގެ އިދާރާގެ އޮނިގަނޑު އެކުލަވާލައި އަދި އެ އޮނިގަނޑަށް މުވައްޒަފުން ފެއްތުމެވެ. އަދި އޭގެ އިތުރުން ވިއުގަ 2.0 ގެ ޚާއްސަ ޓްރޭނިންގ އެއް ވެސް ވަނީ ފުވައްމުލަކު ސިޓީ ކައުންސިލްގެ އިދާރާއަށް ޚާއްސަކޮށްގެން ކުރިއަށްގެންގޮސްފައެވެ.

ސިވިލް ސަރވިސް ކޮމިޝަނުގެ ފަރާތުން ފުވައްމުލަކު ސިޓީ ކައުންސިލްގެ އިދާރާއަށް ވަޑައިގެންނެވީ މި ކޮމިޝަނުގެ  އޯރގަނައިޒޭޝަނަލް ޑިވެލޮޕްމެންޓް އެންޑް ކޮމްޕެންސޭޝަން ޔުނިޓްގެ 2 މުވައްޒަފުން ކަމުގައިވާ އަލްފާޟިލާ މަރިޔަމް ސާއިމާ އާއި އަލްފާޟިލާ އާމިނަތު ސަނާ އެވެ.