ސިވިލް ސަރވިސް ކޮމިޝަނުގެ ރައީސް ޑރ. ޢަލީ ޝަމީމް ރާއްޖޭގައި ސިއްޙީ ޚިދުމަތްދޭ ސިވިލް ސަރވިސްގެ އެންމެ ބޮޑު އިދާރާކަމުގައިވާ އިންދިރާ ގާންދީ މެމޯރިއަލް ހޮސްޕިޓަލުގެ އެންމެ އިސް ހިންގުންތެރިންނަށް މަސައްކަތުގެ ހުނަރު ތާޒާކުރުމުގެ ގޮތުން މަޢުލޫމާތު ކޮޅެއް ޙިއްސާކުރައްވައިފިއެވެ. މި މަޢުލޫމާތު ކޮޅު ޙިއްސާކުރެއްވެވީ މިއަދު އައި.ޖީ.އެމް.އެޗުގެ އިސް ހިންގުންތެރިންނަށް އެ ހޮސްޕިޓަލުގައި ސިވިލް ސަރވިސް ޓްރެއިނިންގ އިންސްޓިޓިއުޓުން ބޭއްވި ސްޓްރެޓެޖިކް ޕްލޭން ހެދުމާގުޅޭ ސެޝަނުގެ ތެރެއިންނެވެ.

އައި.ޖީ.އެމް.އެޗުގެ ފަރާތުން ގެންދަވަނީ އެތަނުގެ ހިންގުން ހަރުދަނާކޮށް ރައްޔިތުންނަށް ފޯރުކޮށްދޭ ޚިދުމަތުގެ ފެންވަރު މަތިކޮށް ހަލުވިކުރުމުގެ ގޮތުން ހުރިހާ ފެންވަރެއްގެ މުވައްޒަފުންނަށް މަސައްކަތުގެ ޤާބިލުކަމާއި ހިންގުމުގެ ހުނަރު ތާޒާކުރުމަށްޓަކައި ތަމްރީނުތަކެއް ރާވާއި ހިންގަވަމުންނެވެ. ކޮމިޝަނުގެ ރައީސް މަޢުލޫމާތު ދެއްވެވީ އިސްވެރިއެއްގެ ގޮތުން ޒަމާނީ ހިކުމަތްތައް ބޭނުންކޮށް ސައިންޓިފިކް ގޮތެއްގައި ސްޓްރެޓިޖިކް މެނޭޖުމަންޓް ގެންދިޔުމުގައި ބޭނުންކުރެވިދާނެ ކަންކަމާއި އަދި ބޭނުން ހިފިދާނެ ތަކެއްޗާއި ބެހޭ ގޮތުންނެވެ.