އަލަށް އައްޔަނުކުރެވުނު 2 ޕާރމަނަންޓް ސެކްރެޓަރީ އިންގެ މަޤާމުގެ ވައުދު ގައި ސޮއިކުރުމުގެ ރަސްމިއްޔާތު މިއަދު ސިވިލް ސަރވިސް ކޮމިޝަނުގައި ބޭއްވުނު އެޑްވައިޒަރީ ކޮމިޓީގެ ބައްދަލުވުމުގެ ތެރޭގައިކުރިއަށް ގެންދެވިއްޖެއެވެ.

މި ގޮތުން ވައުދުގައި ސޮއިކުރައްވަވާފައިވާ ޕާރމަނަންޓް ސެކްރެޓަރީއިންނަކީ މިނިސްޓްރީ އޮފް ހަޔަރ އެޑިޔުކޭޝަން އަށް އައްޔަނުކުރެވުނު އަލްފާޟިލާ ފާތިމަތު ޙިލްމީ އާއި މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން އަށް އަލަށް އައްޔަނުކުރެވުނު އަލްފާޟިލް ޢަބްދުﷲ ފަޔާޟް އެވެ.

މި ދެ ޕަރމަނަންޓް ސެކެރެޓަރީއިންނަށް މަރުޙަބާ ވިދާޅުވެ މަޤާމުގެ ވައުދު ހަވާލުކޮށްދެއްވެވީ ކޮމިޝަނުގެ ރައީސް ޑރ. ޢަލީ ޝަމީމެވެ.