ޖިންސީ ފުރައްސާރައަށް ހޭލުންތެރިކަން އިތުރުކުރުމުގެ ގޮތުން ކޮމިޝަނުފެ މުވައްޒަފުންނަށް އަމާޒުކޮށް 2 ދުވަހުގެ މަސައްކަތުބައްދަލުވުމެއް ފަށައިފި. މިއަދު ކޮމިޝަނުގައި ފެށި މި މަސައްކަތު ބައްދަލުވުމައި މައިގަނޑު ގޮތެއްގައި މައުލޫމާތުދީފައި ވަނީ މަސައްކަތުގެ މާހައުލުގައި ކުރެވޭ ޖިންސީ ފުރައްސާރައާ ބެހޭގޮތުންނެވެ. ކޮމިޝަނުގެ ސްޓާފުން ދެ ގްރޫޕަކަށް ބަހާލައިގެން ކުރިޔަށްގެންދާ މި މަސައްކަތު ބައްދަލުވުމުގައި މައުލޫމާތުދެއްވަނީ ސޮސައިޓީ ފޯ ހެލްތު އެޑިއުކޭޝަންގެ ޑިރެކްޓަރ އޮފް ކައުންސެލިން ސައިކޮލޮޖިކަލް ސަރވިސަސް ޝިޔާމާ އަންވަރާއި އެ އެންޖީއޯގެ ކައުންސެލަރ ތޯމާ ޢަބުދުއްސަމަދެވެ. މިއަދުން ފެށިގެން މާދަމާގެ ނިޔަލަށް ކުރިޔަށްގެންދާ މި މަސައްކަތުބައްދަލުވުން ފައްޓަވައިދެއްވުމުގެ ގޮތުން ކޮމިޝަނުގެ ރައީސް ޑރ. ޢަލީ ޝަމީމު ވަނީ މަސައްކަތު ބައްދަލުވުމުގެ ބައިވެރިންނާއި މުޚާތަބުކޮށް ވާހަކަދައްކަވާފައެވެ.