ވަޒީފާގެ އޮނިގަނޑުތައް އެކުލަވާލުމުގެ ހުނަރު މަތިކުރުމުގެ ގޮތުން މުސާރައިގެ އޮނިގަނޑުތައް އެކުލަވާލުމުގެ ޚާއްޞަ ޓްރެއިނިންގ ސެޝަން އެއް ސިވިލް ސަރވިސް ކޮމިޝަނުގެ މުވައްޒަފުންނަށް އަމާޒު ކޮށްގެން ކުރިއަށް ގެންގޮސްފިއެވެ. މި ޓްރެއިނިންގ ސެޝަން ގައި ކޮމިޝަނުގެ 14 މުވައްޒަފަކު ބައިވެރިވެފައިވެއެވެ. 3 ގަޑިއިރަށް ދެމިގެންދިއަ މި ޓްރެއިނިންގ ސެޝަން ނަންގަވާދެއްވާފައި ވަނީ އައިޖީއެމްއެޗް ގެ އެޗް.އާރ ކޮންސަލްޓެންޓް އަލްފާޟިލާ ޢާއިޝަތު ސަމާއެވެ. ޢާއިޝަތު ސަމާ އަކީ މި ދާއިރާއިން މަތީ ތަޢުލީމް ޚާޞިލްކުރައްވާފައިވާ ވަރަށް ތަޖުރިބާކާރު ބޭކަނބަލެކެވެ. ޢާއިޝަތު ސަމާ މީގެކުރިން މިނިސްޓްރީ އޮފް ހެލްތްގެ އެޗް.އާރް ކޮންސަލްޓެންޓެއްގެ ގޮތުގައި 3 އަހަރު ދުވަހު ވަރަށްގިނަ މަސައްކަތަކެއް ކޮށްދެއްވާފައިވާ ބޭކަނބަލެއްކަން ފާހަގަކުރެވިފައި ވެއެވެ.