މިއަދު އިންދިރާ ގާންދީ މެމޯރިއަލް ހޮސްޕިޓަލްގައި އެ ހޮސްޕިޓަލްގެ އިސް ފަންތީގެ މުވައްޒަފުންނަށް ޚާއްޞަކޮށްގެން ބޭއްވި މި ޓްރެއިނިންގ ސެޝަން ނަންގަވައިދެއްވީ ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމެވެ. " ސްޕަރވިޝަން/ވާނުވާބެލުން" މި މައުޟޫގެ ދަށުން ވާނުވާބެލުމަށް އަމަލުކުރާގޮތާއި، މިކަންކުރުމަށް ހިނގާ ކަންކަމާއި އަދި މިކަން ވަޒީފާއެއްގެ ގޮތުގައި ކުރިއަށްގެންދެވިދާނެ ގޮތްތަކާމެދު މިއަދުގެ ސެޝަންގައި ވަނީ މަޝްވަރާކުރެވިފައެވެ. އަދި ސްޕަރވައިޒަރެއްގެ ބޭނުމަކީ ތަނުންދޭ ޚިދްމަތްތަކާއި އުފައްދާ ތަކެތި އެތަނަކަށް ލިބިގެންވާ ވަސީލަތްތައް އެންމެ ހެޔޮގޮތުގައި ބޭނުންކޮށްގެން އޮމާންކަމާއި އަމާންކަމާއެކު ކުރިއަށްދޭތޯ ބެލުމުގެ ޒިންމާ ނެގުންކަމުގައިވެސް ޑރ. އަލީ ޝަމީމް ދެންނެވިއެވެ. މިއަދުގެ މި ސެޝަންގައި އައި.ޖީ.އެމް.އެޗް ގެ ސްޕަރވައިޒް ލެވެލްގެ އިސް 36 ބޭފުޅުންވަނީ ބައިވެރިވެވަޑައިގެންފައެވެ.