20 މެއި 2020
ކޮވިޑް 19 ގެ ރޯގާއާ ގުޅިގެން ގައުމު މިއަދު ތަހައްމަލު ކުރަމުންދާ ދަތިދަނޑިވަޅުގައި އާތަޖްރިބާތަކެއް ކުރަމުން ކެތްތެރިކަމާއި އަދި ހޭލުންތެރިކަމާއި ހެޔޮވިސްނުމާއެކު ސިވިލް ސަރވިސްގެ މުވައްޒަފުން ޚިދުމަތުގައި ދެމިތިއްބެވީތީ އެކަމަށް ތަޢުރީފު ކުރައްވަވައި އަދި މިގޮތުގައި އަދިވެސް ހިތްވަރާއެކު މަސައްކަތްކޮށްދެއްވުމަށް ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް އެދިވަޑައިގެންފިއެވެ.
ރައީސް މިގޮތަށް އެދިވަޑައިގެންފައިވަނީ ރޭގައި ރާއްޖެޓީވީ އަށް ދެއްވި ހާއްސަ އިންޓަރވިއު އެއްގައެވެ. މި އިންޓަރވިއު އަކީ ކޮމިޝަނުން ކުރަމުންދާ މަސައްކަތްތަކާއި އަދި 17 މޭ ގައި ޚަރަދުތައް ކުޑަކުރުމުގެ ގޮތުން ކޮމިޝަނުން ސިވިލް ސަރވިސްގެ އިދާރާތަކަށް ނެރެފައިވާ ސަރކިއުލަރ އާއި ގުޅޭގޮތުން މަޢުލޫމާތު ހިއްސާކުރެއްވުމުގެ ގޮތުން ދެއްވި ބަސްދީގަތުމެކެވެ.
ކޮމިޝަނުގެ ރައީސް ފާހަގަކުރެއްވިގޮތުގައި ސިވިލް ސަރވިސްގެ އިދާރާތަކާއި މުވައްޒަފުން ވަރަށް ގުޅިގެން ގެންދަވަނީ ކޮވިޑް 19 ގެ ރޯގާ އާ ގުޅިގެން ސަރުކާރާއި ނެޝަނަލް އިމަޖެންސީ އޮޕަރޭޝަން ސެންޓަރުން އަދި ހެލްތު ޕްރޮޓެކްޝަން އެޖެންސީ އިން ބޭނުންފުޅުވާ ހުރިހާ ކަމެއްގައި ފުރިހަމަ އެއްބާރުލުންދެއްވައި އެހީތެރިވެދެއްވަމުންނެވެ. އަދި މިހާތަނަށް ޝަކުވާއަކަށް ވާކަހަލަ ޝަކުވާއެއް ސިވިލް ސަރވިސްގެ މުވައްޒަފަކާ ގުޅޭގޮތުން ކޮމިޝަނަށް ލިބިފައިނުވާކަމުގައިވެސް ވިދާޅުވިއެވެ.
ޑރ. ޝަމީމް ގެ އިންޓަރވިއުގައި މިވަގުތު ސިވިލް ސަރވިސްގެ އިދާރާތަކަށް އަދި މުވައްޒަފުންނަށް ދަތިވެފައިވާ 2 ކަމެއް ފާހަގަކުރެއްވެވިއެވެ. އެއީ ގޭގައި ތިބެގެން މަސައްކަތް ކުރައްވަވާ މުވައްޒަފުންނަށް ރަނގަޅު ނިޒާމެއްގެ ތެރެއިން އިންޓަރނެޓް ފޯރުކޮށްނުދެވިވުމާއެކު ރޯގާގެ ރައްކާތެރިކަމަށް ބޭނުންވާ ތަކެތި ފުދޭ މިންވަރަށް މިވަގުތު ލިބެމުންނުދާ ކަމެވެ. ނަމަވެސް، މިކަންކަން ފަހިކޮށްދިނުމަށް ކޮމިޝަނުން ކަމާބެހޭ ފަރާތްތަކާއިއެކު މަޝްވަރާ ކުރަމުންދާކަމާއި މިކަންކަމަށް އެދެވޭ ހައްލެއް އަވަސް ފުރުސަތެއްގެ ތެރޭގައި ލިބިގެންދާނެކަމުގައި ޔަގީންކުރެވޭކަމުގައިވެސް ރައީސް އިންޓަރވިއުގައި ވިދާޅުވެފައިވެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022