މިދިޔަ އަހަރު ސިވިލް ސަރވިސް ކޮމިޝަނުން މެންބަރެއްގެ ގޮތުގައި ބައިވެރިވި ސިވިލް ސަރވިސްގެ ކަންކުރިއަރުވައި ފަންނީ ތަމްރީނު ފޯރުކޮށްދޭ ބައިނަލްއަޤްވާމީ ޖަމްއިއްޔާ އެއް ކަމުގައިވާ "އާސްތާނާ ސިވިލް ސަރވިސް ހަބް" ގެ ފަރާތުން ކަޒްކިސްތާނުގައި މާސްޓާރސް ފެންވަރަށް ކިޔެވުމަށް ދިވެހި ސިވިލް ސަރވަންޓުންނަށް ފުރުސަތުތަކެއް ހުޅުވާލައިފިއެވެ. އެއީ ކަޒްކިސްތާނުގެ މަތީތައުލީމުދޭ މަރުކަޒެއް ކަމުގައިވާ އެކަޑަމީ އޮފް ޕަބްލިކް އެޑްމިނިސްޓްރޭޝަން ގައި އިންޓަރނޭޝަނަލް ރިލޭޝަންސް ގެ ދާއިރާއިންނާއި ޕަބްލިކް ޕޮލިސީގެ ދާއިރާއިން މާސްޓާރސް ފެންވަރަށް ކިޔެވުމަށް ހުޅުވާލި ފުރުސަތެކެވެ. މިގޮތުން އިންޓަރނޭޝަނަލް ރިލޭޝަންސް ގެ ދާއިރާއިން ކިޔެވުމަށް 6 ސްކޮލަރޝިޕް އަދި ޕަބްލިކް އެޑްމިނިސްޓްރޭޝަން ގެ ދާއިރާއިން ކިޔެވުމަށް 5 ސްކޮލަރޝިޕް ހުޅުވާލާފައިވެއެވެ. ނަމަވެސް، މި ސްކޮލަރޝިޕްތަކަކީ ހަމައެކަނި ދިވެހިރާއްޖޭގެ ސިވިލް ސަރވަންޓުންނަށް ހުޅުވާލެވިފައިވާ ފުރުސަތުތަކެއް އެކަންޏެއް ނޫނެވެ. ނަމަވެސް، "އާސްތާނާ ސިވިލް ސަރވިސް ހަބް" ގެ މެންބަރު ހުރިހާ ގައުމުތަކަށް ހުޅުވާލާފައިވާ 11 ސްކޮލަރޝިޕް އެވެ.
އެހެންކަމުން މި ސްކޮލަރޝިޕްތަކަށް ދިވެހި ސިވިލް ސަރވަންޓުންވެސް ޖެހޭނީ ވާދަކުރާށެވެ. މިއީ ކޮންމެ އަހަރަކު ހުޅުވާލެވޭ ސްކޮލަރޝިޕް ތަކެއް ކަމުން ދިވެހިރާއްޖެއިން މި ސްކޮލަރޝިޕް އަށް އެދި ހުށަހަޅާފައިވާ ފަރާތްތައް ހޮވުމުގެ ފުރުސަތު ވަރަށް ބޮޑު ކަމުގައި ލަފާކުރެވެއެވެ. އަދި ވީހާގިނަ ފަރާތްތަކުން މި ސްކޮލަރޝިޕްތަކަށް އެދި ފޯމު ހުށަހެޅުމަށް އާސްތާނާ ސިވިލް ސަރވިސް ހަބްއިން ހިތްވަރުދެއެވެ. މިއީ ދިވެހިރާއްޖެއަށް މި ފުރުސަތު ހުޅުވާލި ފުރަތަމަ ފަހަރެވެ. އަދި މި ޖަމްއިއްޔާގެ މައިގަނޑު މަރުކަޒު ގާއިމް ކުރެވިފައިވާ ކަޒްކިސްތާނުގެ ވެރިރަށް ނޫރުލް އަލީމް ގައި ތައުލީމް ހާސިލްކުރުމަށް މިއީ ލިބިގެންދާ ރަނގަޅު ފުރުސަތެއްކަން ފާހަނގަކޮށްލެވެއެވެ. ސަބަބަކީ ކަޒަކިސްތާނަކީ އިރުމަތީ ޔޫރަޕްގައި އެންމެ ތަރައްޤީވެފައިވާ އަދި މުއްސަނދި ގައުމަށްވެފައި މި ސްކޮލަރޝިޕްތަކަކީ އެތާނގެ ސަރުކާރުން ހަމަޖައްސާދޭ ސްކޮލަރޝިޕްތަކަކަށް ވާތީއެވެ. މި ސްކޮލަރޝިޕް އަށް ހުށަހެޅުމުގެ އެންމެ ފަހު ތާރީހަކީ 10 ޖުލައި 2020 އެވެ. މި ސްކޮލަރޝިޕަށް ހުށަހަޅަން ބޭނުންވާ ފޯމުތަކާއި އަދި އެހެނިހެން މައުލޫމާތު ކޮމިޝަނުގެ ވެބްސައިޓްގައިވާ ލިންކްއިން ލިބެން ހުންނާނެއެވެ. އަދި އާސްތާނާ ސިވިލް ސަރވިސް ހަބް އިންވެސް ލިބެން ހުންނާނެއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022