15 އޮކްޓޯބަރ 2020
ޑީސެންޓްރަލައިޒޭޝަން ޕްލޭންއާ އެއްގޮތަށް ސިވިލް ސަރވިސް މުވައްޒަފުންގެ ވަޒީފާގެ މަސައްކަތްތައް އިދާރާތަކަށް ދޫކުރުމުގެ މަސައްކަތްތައް މިއަދު ފަށައިފިއެވެ. މިގޮތުން ސިވިލް ސަރވިސްގެ ކޮންޓްރެކްޓް އެޕޮއިންޓްމެންޓްގެ މަސައްކަތްތައް ސިވިލް ސަރވިސް ކޮމިޝަނުން ކުރިއަށް ގެންދިޔުމުގެ ބަދަލުގައި ސިވިލް ސަރވިސްގެ އިދާރާތަކުން ކުރިއަށް ގެންދާގޮތަށް މިއަދު ވަނީ ހަމަޖައްސާފައެވެ.
މިކަމާގުޅޭގޮތުން ސިވިލް ސަރވިސްގެ އިދާރާތަކާއެކު މިއަދު ހެނދުނު އޯޑިއޯ/ވީޑިއޯގެ ޒަރިއްޔާއިން ބައްދަލުވުމެއް ބޭއްވުނެވެ. މިބައްދަލުވުމުގައި، އެންމެ ފަހުން ބޭއްވުނު ސިވިލް ސަރވިސް އެޑްވައިޒަރީ ކޮމިޓީގައި މަޝްވަރާކުރެވުނު ފަދައިން، ސިވިލް ސަރވިސް މުވައްޒަފުންގެ ވަޒީފާގެ މަސައްކަތްތަކުގެ ތެރެއިން، ޑީސެންޓްރަލައިޒޭޝަން ޕްލޭންއާ އެއްގޮތަށް މިމަހުގެ ތެރޭގައި ދޫކޮށްލުމަށް ހަމަޖެހިފައިވާ، ކޮންޓްރެކްޓް އުސޫލުން ސިވިލް ސަރވިސް އިދާރާތަކުގައި މަސައްކަތްކުރާ ބިދޭސީ މުވައްޒަފުންގެ ކޮންޓްރެކްޓް އާކުރުމުގެ މަސައްކަތް، އެކަންކުރާ އިދާރާތަކަށް ދޫކޮށް އެކަމާގުޅޭ މައޫލޫމާތު ކޮމިޝަނުން ހިއްސާކުރިއެވެ.
މިބައްދަލުވުމުގައި ސިވިލް ސަރވިސް ކޮމިޝަންގެ ރައީސް މުޙައްމަދު ނާޞިހު، ނައިބު ރައީސް އިބްރާހިމް ރަޝީދު އަދި ކޮމިޝަންގެ މެންބަރުންނާއި ސިވިލް ސަރވިސް އިދާރާތަކުގެ ޕަރމަނަންޓް ސެކްރެޓަރީންނާއި އެޗް.އާރްގައި މަސައްކަތްކުރާ މުވަައްޒަފުންގެ އިތުރުން ކޮމިޝަނުގެ އިސް މުވައްޒަފުން ބައިވެރިވެ ވަޑައިގެންނެވިއެވެ.
ޑީސެންޓްރަލައިޒޭޝަން ޕްލޭންއާ އެއްގޮތަށް ސިވިލް ސަރވިސް މުވައްޒަފުންގެ ވަޒީފާގެ އިތުރު މަސައްކަތްތައް އަންނަމަހުގެ ތެރޭގައި އިދާރާތަކަށް ދޫކުރުމުގެ މަސައްކަތްތައްވެސް ކޮމިޝަނުން ގެންދަނީ ކުރަމުންނެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022