މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސް ސިވިލް ކޮމިޝަނުގެ މެންބަރުންނާއެކު މަޝްވަރާކުރައްވައިފި

15 އޮކްޓޯބަރ 2020



މިނިސްޓަރ އޮފް ޖެންޑަރ، ފެމިލީ އެންޑް ސޯޝަލް ސަރވިސް އަލްފާޟިލާ އާއިޝަތު މުޙައްމަދު ދީދީ މިއަދު ސިވިލް ސަރވިސް ކޮމިޝަނުގެ މެންބަރުންނާއެކު އެ މިނިސްޓްރީގައި ބައްދަލުކުރައްވަވައި އެ މިނިސްޓްރީ ހިންގުމުގައި ސިވިލް ސަރވިސް އާ ގުޅުންހުރި ކަންކަމާގުޅޭ ގޮތުން މަޝްވަރާކުރައްވައިފިއެވެ.
މިއަދު ބޭއްވުނު މި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެވިފައިވަނީ މިނިސްޓްރީއާއި މިނިސްޓްރީގެ ދަށުން ހިންގާ ޗައިލްޑް އެންޑް ފެމިލީ ޕްރޮޓެކްޝަން ސަރވިސަސްގެ އިދާރީ އޮނިގަނޑު މުރާޖާ ކުރުމާ ގުޅޭގޮތުންނާއި، ދައުލަތުގެ ބެލުމުގެ ދަށުގައިތިބޭ މީހުންނާއި ކުދިންގެ ރައްކާތެރިކަމަށްޓަކައި ވަކިކުރަން ބޭނުންވާ މުވައްޒަފުން ވަގުތުން ވަކިކުރުމާއި ގުޅޭގޮތުންނެވެ. އަދި އޭގެ އިތުރަށް މިނިސްޓްރީގެ ފަންނީ ދާއިރާތަކުގެ މަޤާމްތަކަށް ބޭނުންވާ ޖޮބް ސްޓްރަކްޗަރ އާއި އަދި ކުއްލި ޙާލަތުގައި ނަގާ މުވައްޒަފުން ނެގުމާއި ގުޅޭ ގޮތުންވެސް ވަނީ މަޝްވަރާކުރައްވާފައެވެ.
ތަފާތު މަސައްކަތްތަކެއް ކުރަމުންގެންދާއިރު ޚާއްސަކޮށް މުޖްތަމައުގައި ހިމެނޭ ޟޮއީފު މީހުންގެ ކަންތައްތައް ބަލަހައްޓާ ޖެންޑަރ މިނިސްޓްރީގެ ކަންކަން އަވަހަށް ހަމަޖައްސައި ދިމާވެފައިވާ ދަތިތައް ހައްލުކުރުމުގައި ކޮމިޝަނުން ފުރިހަމަ އެއް ބާރުލުން މިނިސްޓަރަށާއި މިނިސްޓްރީ އަށް ލިބިވަޑައިގަންނަވާނޭ ކަމުގެ ކަށަވަރުކަން މި ބައްދަލުވުމުގައި ކޮމިޝަނުގެ މެންބަރުން އަރުވާފައިވެއެވެ.
މި ބައްދަލުވުމުގައި ކޮމިޝަނުގެ ރަައީސް އަލްފާޟިލް މުހައްމަދު ނާޞިހު އާއި ނައިބު ރައީސް އިބްރާހިމް ރަޝީދުގެ އިތުރުން ކޮމިޝަނުގެ މެންބަރުންނާއި އިސްވެރިން ބައިވެރިވެވަޑައިގެންނެވިއެވެ..


ފަހުގެ ޚަބަރުތައް

ހޮޓްލައިން / އެސްއެމްއެސް

7799280


ފޯނު

3307307

ސީއެސްސީ ބޮޓް