އިންޑިއާގެ ނިއު ދިއްލީގައި މި މަހުގެ 06 އިން 13 އަށް ބާއްވާ ނެޝަނަލް ސެންޓަރ ފޯރ ގުޑް ގަވަރނަންސް އިން ކުރިއަށްގެންދެވޭ ތަމްރީނު ޕްރޮގްރާމުގައި ބައިވެރިވާ ޕަރމަނަންޓް ސެކްރެޓަރީން އަދި އިސްޒިންމާދާރުވެރިންނާއި އިންޑިއާ އިން ރާއްޖެއަށް ކަނޑައަޅާފައި ހުންނަވާ ސަފީރު ހިޒް އެކްސަލަންސީ މިސްޓަރ ސަންްޖޭ ސުދިރް ބައްދަލުކުރައްވައިފިއެވެ. 14 ބޭފުޅުންގެ މައްޗަށް ހިމެނޭ މި ވަފުދުގައި އެކި އެކި މިނިސްޓްރީ ތަކުގެ ޕަރމަނަންޓް ސެކްރެޓަރީންގެ އިތުރުން އިސް ޒިންމާދާރުވެރިން ބައިވެރިވެވަޑައިގަންނަވާނެއެވެ.
އިންޑިއާގައި ބާއްވާ ތަމްރީނު ޕްރޮގްރާމްގެ ބައިވެރިންނާއި ބައްދަލުކޮށް އިންޑިއާގެ ސަފީރު ދެއްކެވި ވާހަކަފުޅުގައި ފާހަގަކޮށްލެއްވީ މި ތަމްރީނު ޕްރޮގްރާމަކީ އިންޑިއާގެ ސިވިލް ސަރވިސް މުވައްޒަފުން ތަމްރީނު ކުރާ އެންމެ ފެންވަރު ރަނގަޅު އެއް އެކަޑަމީކަމަށް ވުމުން، ދިވެހި ސިވިލް ސަރވިސް މުވައްޒަފުން މިފަދަ ތަމްރީނު ޕްރޮގްރާމަކަށް ފޮނުއްވުމަކީ ލިބިލައްވާ ވަރަށް ބޮޑު ޝަރަފެއް ކަމަށެވެ.
އަދި މިއަދު ސިވިލް ސަރވިސް ކޮމިޝަނުގެ ރައީސްވެސް ވަނީ މި ތަމްރީނުގެ ބައިވެރީންނާއި ކޮމިޝަނުގައި ބައްދަލުކުރައްވަވާ މި ތަމްރީނުގެ މުހިންމުކަމާއި އިންޑިއާ އާއި ރާއްޖެ އާއި ދެމެދު އޮންނަ ގުޅުމުގެ މައްޗަށް މަޢުލޫމާތު ހިއްސާކުރެއްވެވިއެވެ. އަދި މި ބުރުގެ ބައިވެރިންނަށް މަރުޙަބާ ވިދާޅުވެ ކާމިޔާބު އަދި ނިޔާމަދަތުރަކަށް ވުމަށް ވެސް އެދިވަޑައިގަތެވެ
މި ވަފުދުގެ އިސްފަރާތެއްގެ ގޮތުގައި ހަރަކާތްތެރިވަނީ ސިވިލް ސަރވިސް ކޮމިޝަނުގެ ޑިރެކްޓަރ ޖެނެރަލް އަލްފާޟިލް އަބްދުﷲ ސަޢީދު އެވެ.