1441 ވަނަ އަހަރުގެ ޤައުމީ ދުވަހުގެ މުނާސަބަތުގައި ސިވިލް ސަރވިސް ކޮމިޝަނުން މިއަދު ނެރެފައިވާ އިލްތިމާސް އާ ގުޅޭގޮތުން ޕަރމަނަންޓް ސެކްރެޓަރީންނާއި ކޮމިޝަނުގެ ފަރާތުން މަޝްވަރާކޮށްފިއެވެ. މިއަދު ކޮމިޝަނުން ނެރުނު އިލްތިމާސްގައިވާ ކަންކަމުގެ މަޢުލޫމާތު އެ މިނިސްޓްރީއެއްގެ ސިވިލް ސަރވިސްގެ އިދާރާތަކުގެ މުވައްޒަފުންނަށް ހިއްސާކޮށްދެއްވައި، މުވައްޒަފުން ހޭލުންތެރި ކޮށްދެއްވުމަށް ކޮމިޝަނުގެ ފަރާތުން ބައްދަލުވުމުގައި އެދިފައިވެއެވެ.
ސިވިލް ސަރވަންޓުން މި އިލްތިމާސަށް ހޭލުންތެރިކުރުވައި މިކަމުގެ މަޢުލޫމާތު ހުރިހާ ސިވިލް ސަރވަންޓުންނަށް ފޯރުކޮށްދެއްވުމަށާއި، ދިވެހި ސިވިލް ސަރވިސް ގެ ޤަވާއިދާ ޚިލާފަށް ބަސްމަގާއި އަމަލުތައް ބަހައްޓާ ފަރާތްތައް އެކަންނުކުރުމަށް ގަވާއިދުގެ ތެރެއިން އަންގަވައިދެއްވުމާއި އަދި މިފަދަކަންކަމުގެ މަޢުލޫމާތު ލިބިވަޑައިގަތުމުން ކޮމިޝަނަށް ރިޕޯރޓްކޮށް ދެއްވުމަށްވެސް މި ބައްދަލުވުމުގައި ކޮމިޝަނުގެ ފަރާތުން ޕަރމަނަންޓް ސެކްރެޓަރީންގެ ކިބައިން އެދިފައިވެއެވެ.