ޔުނައިޓަޑް އަރަބް އެމިރޭޓްސް (ޔޫ.އޭ.އީ) އިން ދިވެހިރާއްޖެއަށް ކަނޑައަޅާފައިހުންނަވާ ސަފީރު ޑރ. ސަޢީދު މުހައްމަދު އަލް ޝަމްސީ އާއި ސިވިލް ސަރވިސް ކޮމިޝަނުގެ މެންބަރުން މިއަދު ބައްދަލުކުރައްވަވާ މަޝްވަރާކުރައްވައިފިއެވެ. ޔޫ.އޭ.އީ ގެ އެމްބެސެޑަރ ގެ އޮފީހުގައި ބޭއްވުނު މި ބައްދަލުވުމުގައި ކޮމިޝަނުގެ ފަރާތުން ބައިވެރިވެވަޑައިގެންނެވީ ކޮމިޝަނުގެ ރައީސް ޑރ. އަލީ ޝަމީމް އާއި ކޮމިޝަނުގެ މެންބަރު އަލްފާޟިލާ ފާތިމަތު އާމިރާ އެވެ.
މި ބައްދަލުކުރެއްވުމުގައި ދިވެހިރާއްޖެއާއި ޔޫއޭއީ އާ ދެމެދު އޮންނަ ގާތް ގުޅުން އިތުރަށް ބަދަހިކުރެވޭނެ ގޮތްތަކާ ގުޅޭގޮތުން ވަނީ މަޝްވަރާކުރައްވައިފައެވެ. ޔޫ.އޭ.އީ އިން ރާއްޖެއަށް އިތުރު އެކި ދާއިރާތަކުން ފުރުޞަތުތައް ފަހިކުރުމާބެހޭގޮތުން އަދި ދެގައުމުގެ ދެމެދުގައި އޮންނަ އެއްބާރުލުން އިތުރަށް ފުޅާކުރުމާ ގުޅޭގޮތުންވެސްވަނީ މަޝްވަރާކުރައްވާފައިވެއެވެ.