އިންޑިއާގެ ނެޝަނަލް ސެންޓަރ ފޯ ގުޑް ގަވަރނަންސް ގެ ފަރާތުން ދިވެހި ސިވިލް ސަރވިސްގެ 29 މުވައްޒަފުންނަށް މިހާރު ނިއު ދިއްލީގައި ކުރިއަށްގެންދާ ތަމްރީނުގެ ތެރެއިން ތަޖްރިބާ ހޯދުމުގެ ގޮތުން މިއަދު އިލެކްޝަންސް ކޮމިޝަން އޮފް އިންޑިއާ އަދި މިނިސްޓްރީ އޮފް އެކްސްޓާރނަލް އެފެއާރޒް ގެ އީ ޕާރސްޕޯޓް ޑިޕާރޓްމެންޓަށް ޒިޔާރަތްކޮށް އެތަންތާނގައި މަސައްކަތް ކުރެވޭގޮތާއި، އާންމު ރައްޔިތުންނަށް ހިދުމަތް ދިނުމުގައި ހޯދާފައިވާ ކުރިއެރުންތަކާ ގުޅޭގޮތުން މަޢުލޫމާތު ހޯދައިފިއެވެ.
2 ހަފްތާގެ މި ތަމްރީނު ޕްރޮގްރާމުގެ ދަށުން މި ބައިވެރިންދަނީ އެކި އެކި ސެޝަންތަކުގެ އިތުރުން އިންޑިއާގެ އެކި މުއައްސަސާތަކަށާއި އަދި އާސާރީ ބިނާތަކަށްވެސް ޒިޔާރަތްކުރައްވަމުންނެވެ. މި ބައިވެރިން މި ޓްރެއިނިންގް ފުރިހަމަކުރައްވަވާ ރާއްޖެއަށް ވަޑައިގަންނަވަން އޮތީ މި މަހުގެ 29 ވަނަ ދުވަހުއެވެ.