20 އޯގަސްޓް 2019
ދެ ދުވަހުގެ ރަސްމީ ޒިޔާރަތެއް ދިވެހިރާއްޖެއަށް ކުރައްވަމުންގެންދަވާ އިންޑިއާގެ ނެޝަނަލް ސެންޓަރ ފޯރ ގުޑް ގަވަރނަންސް (އެން.ސީ.ޖީ.ޖީ) ގެ ވަފުދު މިއަދު ސިވިލް ސަރވިސް ޓްރެއިނިންގ އިންސްޓްޓިއުޓަށް ޒިޔާރަތްކުރައްވަވައިފިއެވެ. އެބޭފުޅުންނަށް ސީ.އެސް.ޓީ.އައި އިން މަރުޙަބާ ވިދާޅުވެ އިސްތިޤްބާލު ކުރެއްވެވީ އެ އިންސްޓިޓިއުޓްގެ ޑިރެކްޓަރ ފާތިމަތު ހަބީބާއެވެ. މި ޒިޔާރަތުގައި ސީ.އެސް.ޓީ.އައި ގެ ކުލާސްތަކާއި، ދެމުންދާ ޚިދުމަތްތައް ހުރިނެތްގޮތް ބައްލަވާލައްވަވައި އަދި އިންސްޓިޓިއުޓްގެ ކެޕޭސިޓީ (ޤާބިލުކަން) އިތުރުކުރުމަށް ކުރެވިދާނެ ކަންކަމާ ގުޅޭގޮތުން މަޝްވަރާކުރެއްވެވިއެވެ. އަދި ސިވިލް ސަރވިސް ގެ ކަންތައްތައް 2 ގައުމުގެ ދެމެދުގައި ރޭވި ހިނގޭގޮތާއި، ސިވިލް ސަރވިސް ކުރިއެރުވުމަށްކުރެވޭ މަސައްކަތާއި ގުޅޭ ގޮތުން މަޢުލޫމާތު ވަނީ ހިއްސާކުރައްވާފައެވެ.
އެން.ސީ.ޖީ.ޖީ ގެ ފަރާތުން ރާއްޖެއަށް ވަޑައިގެންނެވި ދެ ބޭފުޅުންނަކީ ޑިޕާރޓްމަންޓް އޮފް އެޑްމިނިސްޓްރޭޓިވް ރިފޯރމްސް އެންޑް ޕަބްލިކް ގްރީވެންސަސް ގެ އެޑިޝަނަލް ސެކްރެޓަރީ، ޝްރީ ވީ. ސްރީނިވަސް އާއި އެން.ސީ.ޖީ.ޖީ ގެ އެސޯސިއޭޓް ޕްރޮފެސަރ ޕޫނަމް ސިންގް އެވެ.
ސީ.އެސް.ޓީ.އައި އަށް ކުރެއްވި ޒިޔާރަތުގައި ހެޑް އޮފް ޑެލިގޭޝަން، ޝްރީ ވީ. ސްރީނިވަސް ވަނީ ލެކްޗަރ އެއް ކުރިޔަށް ގެންގޮސްދެއްވާފައެވެ. " އެތިކްސް އެންޑް އެކައުންޓަބިލިޓީ އިން ގަވަރނަންސް އެންޑް ރެޑްރެސަލް އޮފް ޕަބްލިކް ގްރީވަންސަސް- ދަ އިންޑިއަން އެކްސްޕީރިއެންސް" މައުޟޫއުގެ މައްޗަށް ބިނާކޮށްގެން ކުރިޔަށް ގެންދެވުނު މި ލެކްޗަރ ގައި ޕަރމަނަންޓް ސެކްރެޓަރީންނާއި ސަރުކާރުގެ އެކި އިދާރާތަކުގެ އިސްވެރީން ވަނީ ބައިވެރިވެވަޑައިގެންފައެވެ. މިއަދުގެ މި ލެކްޗަރ ގައި ރާއްޖެއަށް އިންޑިއާއިން ކަނޑައަޅުއްވާފައި ހުންނަވާ ސަފީރު ހިޒް އެކްސަލަންސީ މިސްޓަރ ސަންޖޭ ސުދިރް އާއި ކޮމިޝަނުގެ މެމްބަރުން ވަނީ ބައިވެރިވެވަޑައިގެންފައެވެ.
ދަތުރު ނިންމަވާލެއްވުމަށްފަހު މި ވަފުދު މާދަމާ ހެނދުނު އިންޑިއާ އަށް ފުރުއްވުމަށްވަނީ ހަމަޖެހިފައެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022