މި ފެބުރުވަރީ 5 އިން 7 އަށް ބަންގްލާދޭޝް ގެ ވެރިރަށުގައި އެގައުމުގެ ޕަބްލިކް އެޑްމިނިސްޓްރޭޝަން ޓްރެއިނިންގ ސެންޓަރުން ބާއްވާ 7 ވަނަ އިންޓަރނޭޝަނަލް ކޮންފަރެންސް އޮން ޕަބްލިކް އެޑްމިނިސްޓްރޭޝަން އެންޑް ޑިވެލޮޕްމަންޓް ގައި ބައިވެރިވެވަޑައިގަތުމަށް ސިވިލް ސަރވިސް ކޮމިޝަނުގެ ރައީސް ޑރ. އަލީ ޝަމީމް މިއަދު ބަންގުލާދޭޝް އަށް ކަނޑައެޅިފައިހުންނަ ދިވެހި ހައި ކޮމިޝަނަށް ޒިޔާރަތްކުރައްވަވައި، ހައިކޮމިޝަނަރ ހިޒް އެކްސަލަންސީ އައިޝަތު ޝާން ޝާކިރު އާއި އެ އޮފީހުގައި މަސައްކަތްކުރާ ދިވެހި ސިވިލް ސަރވަންޓްއިންނާއި ބައްދަލުކުރައްވަވައިފިއެވެ.
މި ބައްދަލުކުރެއްވުމުގައި ދިވެހި ސިވިލް ސަރވިސްގެ މުވައްޒަފުންނަށް ތަމްރީނާއި ތަޖްރިބާ ހާޞިލް ކުރުމަށް ބަންގްލާދޭޝްއިން ހޯދިދާނެ ފުރުޞަތުތަކާ ބެހޭގޮތުން ކޮމިޝަނުގެ ރައީސް ދިވެހި ހައިކޮމިޝަނަރާ މަޝްވަރާކުރެއްވެވިއެވެ. އަދި މިފަދަ ފުރުޞަތުތައް ލިބޭތޯ މަސައްކަތްކޮށް ދެއްވުމަށް އެކަމަނާގެ އަރިހުގައި އެދިވަޑައިގަތެވެ. މީގެ އިޖާބާގައި ދިވެހި ސިވިލް ސަރވަންޓުންގެ ކުރިއެރުމަށް ހޯދާދެވެން އޮތް އެންމެހާ ކަމެއްކޮށްދެއްވަވާނެ ކަމުގެ ކަށަވަރުކަން ހައިކޮމިޝަނަރ ޝާން ކޮމިޝަނުގެ ރައީސަށް އެރުވިއެވެ.
މީގެ އިތުރުން މި ބައްދަލުވުމުގައި ހައި ކޮމިޝަނުގައި މަސައްކަތްކުރައްވަވާ ސިވިލް ސަރވަންޓުންނާއި މަޝްވަރާކޮށް އެފަރާތްތަކުގެ ޚިޔާލު ކަންކަމުގައި ހޯއްދެވިއެވެ. އަދި ކޮމިޝަނުގެ ފަރާތުން މުޅި ދިވެހި ސިވިލް ސަރވިސް ކުރިއަރުވައި ތަރައްޤީ ކުރުމަށް ކުރެވެމުންދާ މަސައްކަތުގެ މަޢުލޫމާތު އެ ފަރާތްތަކާއި ކޮމިޝަނުގެ ރައީސް ހިއްސާކުރައްވަވައި އެ ފަރާތަކުން މަސައްކަތް ކުރެއްވުމުގައި ނަމޫނާ މުވައްޒަފުންނަށް ވެވަޑައިގަތުމަށް އެދިވަޑައިގެންނެވިއެވެ.
ފަހުގެ ޚަބަރުތައް
ސިވިލް ސަރވިސް އިދާރާތަކުން ފޯރުކޮށްދޭ ޚިދުމަތްތަކާމެދު އާންމު ރައްޔިތުންގެ ޚިޔާލު ހޯދުމަށް ފަރުމާކުރެވިފައިވާ އޮންލައިން ނިޒާމެއް އިދާރާތަކުގައި ތައާރަފުކުރުމަށް ކޮމިޝަނުން ނިންމައިފި
31 ޑިސެމްބަރ 2023
ދިވެހި ސިވިލް ސަރވިސްގެ މުވައްޒަފުންގެ ވަޒީފާއާބެހޭ މަސައްކަތްތައް އޮންލައިންކޮށް ކުރުމަށް ފަރުމާކުރެވުނު މޮޑިއުލް އިފްތިތާޙުކޮށްފި
07 ޑިސެމްބަރ 2023
ވެރިކަން ބަދަލުވުމުގެ މަރުޙަލާގެ އެންމެހާ ކަންތައްތައް އިންތިޒާމުކޮށް ބެލެހެއްޓުމަށް ޑިރެކްޓަރ ޖެނެރަލް އޮފް ޓްރާންސިޝަނުގެ މަޤާމަށް އަލްފާޟިލް ޢަބްދުއްރަހީމް އަބްދުﷲ، އަރާއިރު / ލ. ފޮނަދޫ، ހަމަޖައްސަވައިފި
05 އޮކްޓޯބަރ 2023
އިންޑިއާގައި ބޭއްވޭ ތަމްރީނު ޕްރޮގްރާމުގައި ބައިވެރިވުމަށް ސިވިލް ސަރވިސްގެ ވަފުދެއް އިންޑިއާއަށް ފުރައިފި
30 އޮކްޓޯބަރ 2022
ތަމްރީނާއި ތަޖްރިބާ ހާޞލުކުރުމަށް ދިވެހި ސިވިލް ސަރވިސްގެ ވަފުދެއް އިންޑިއާ އަށް
24 ޖުލައި 2022