ލަންކާގެ ކޮލަންބޯގައި ބޭއްވުނު ކޯޗިން ކޭންޕެއްގެ ނިމުން ފާހަގަކުރުމުގެ ރަސްމިއްޔާތެއްގައި ކޮމިޝަނުގެ ރައީސް ޑރ. ޢަލީ ޝަމީމު ބައިވެރިވެވަޑައިގަންނަވައިފިއެވެ. ލަންކާގައި މިއަދު ފަށާ 2 ވަނަ ސައުތު އޭޝިއަން ޔޫތް ސަމިޓާ ދިމާކޮށް ބޭއްވުނު މި ރަސްމިއްޔާތުގައި ޚާއްޞަ މެހުމާނެއްގެ ގޮތުން ކޮމިޝަނުގެ ރައީސް ބައިވެރިވެޑައިގެން ދެއްކެވި ވާހަކައިގައި، ބައިވެރިންނަށް ހިއްވަރުދެއްވައި ކުރިއަރާދާ ޒުވާނެއްގެ ކާމިޔާބީއަށްޓަކައި، ވިސްނުމާއި އަމަލުތައް ބަހައްޓާނެ ގޮތުގެ މައްޗަށް ބައްލަވާލެއްވިއެވެ. އަދި މި އިވެންޓްގެ ކަންކަން ވަރަށް ފުރިހަމައަށް ގެންދެވީތީ، މިކަން ރާވާ އިންތިޒާމު ކުރެއްވި ފަރާތްތަކަށް ކޮމިޝަނުގެ ރައީސް ޝުކުރު އަދާކުރެއްވިއެވެ.

" މިލޭނިއަމް ޔޫތު އެންބެސެޑާސް ކޯޗިން ކޭންޕް 2018"ގެ ނަމުގައި ލަންކާގައި ބޭއްވުނު މި ކޭނަޕަކީ ރާއްޖޭގައި ޒުވާނުން ކުރިއަރުވައި ގުޅުންބަދަހި ކުރުމަށް މަސައްކަތްކުރާ ޖަމިއްޔާއެއްކަމުގައިވާ ރީޖަނަލް އެލައިންސް ފޯ ފޯސްޓަރިންގ ޔޫތުގެ ފަރާތުން ބޭއްވި ކޭންޕެކެވެ. މި ކޭންޕު ނިންމުމުގެ ގޮތުން ބޭއްވި މި ރަސްމިއްޔާތު ޝަރަފުވެރިކޮށްދެއްވީ ވަނީ މިނިސްޓަރ އޮފް ޔޫތް، ސްޕޯޓްސް އެންޑް ކޮމިއުނިޓީ އެންޕަވަރމަންޓް އޮނަރަބުލް އަޙްމަދު މަހުލޫފެވެ.