މިމަހުގެ 22 އިން 24 އަށް ޗައިނާގައި ޗައިނާގެ ގުއަންޒޯގައި ބޭއްވި “އިންޓަރނޭޝަނަލް ސެމިނަރ އޮން އީގަވަރނަންސް: ޓެކްނޮލޮޖިކަލް އިނޮވޭޝަން އެންޑް ލީގަލް ގެރެންޓީ” ސެމިނަރގައި ކޮމިޝަނުގެ ވަފުދެއް ބައިވެރިވެއްޖެއެވެ. މި ސެމިނަރގައި ކޮމިޝަނުގެ ފަރާތުން ބައިވެރިވެވަޑައިގެންނެވީ ކޮމިޝަނުގެ ސެކްރެެޓަރީ ޖެނެރަލް ކޮމިޝަނުގެ ޑރ. އިބްރާހީމް ޒުހުރީއާ ކޮމިޝަނުގެ އޯޑިޓް އެންޑް ޕަރފޯމަންސް މެނޭޖްމަންޓް ސެކްޝަނުގެ ޑިރެކްޓަރ ފާޠިމަތު ލަހްފާއެވެ. މި ސެމިނަރގައި ބައިވެރިވި ކޮމިޝަނުގެ ވަފުދުން ވަނީ އީގަވަނަންސް ދާއިރާއިން ރާއްޖޭގެ ތަޖްރިބާ ހިއްސާކޮށް ސެމިނަރގައި ޕްރެޒެންޒެންޓޭޝަނެއް ހުށަހަޅާފައެވެ. އެކި ޤައުމުތަކުން މަންދޫބުން ބައިވެރިވި މި ސެމިނަރ އަކީ އީސްޓަން ރީޖަނަލް އޮގަނައިޒޭޝަން ފޯ ޕަބްލިކް އެޑްމިނިސްޓްރޭޝަންގެ ދަށުން ހިންގާ އީގަވަރނަންސް ރިސާޗް ސެންޓަރުން އިންތިޒާމުކުރި ސެމިނާރއެކެވެ.